Popular Bible Verses from MGA HULUBATON 21

Share

Ang nagasonod sa pagkamatarung kag kalolo makakita sing kabuhi, pagkamatarung, kag dungug.

Ang mga hunahuna sang mapisan nagapadolong lamang sa kabuganaan, apang ang tagsatagsa nga madalas nagadalidali lamang sa kinawad-on.

Ang bisan sin-o nga nagabantay sang iya baba kag sang iya dila nagabantay sang iya kalag gikan sa kalisdanan.

Ang tagsa ka dalanon sang tawo matadlong sa iya kaugalingon nga mga mata, apang ang GINOO nagatimbang sang mga tagiposoon.

Ang kabayo nahanda sa adlaw sang inaway, apang ang pagdaug gikan sa GINOO.

Ang paghimo sang pagkamatarung kag katarungan labi pa ka kalahamut-an sa GINOO sang sa halad.

Walay kaalam, ukon paghangup, ukon laygay, makadaug sa GINOO.

Ang bisan sin-o nga nagapabungul sa pagsinggit sang imol sia man magasinggit apang indi sia pagpamatian.