Popular Bible Verses from MGA HULUBATON 15

Share

Ang mahomok nga panalabton nagapalugpay sang kasingkal, apang ang matigdas nga polong nagapaibwal sang kaakig.

Ang kahadluk sa GINOO amo ang pagtudlo sang kaalam, kag ang pagpaubus nagauna sa dungug.

Ang malolo nga dila amo ang kahoy sang kabuhi, apang ang pagkabalingag sa sini amo ang pagboong sang espiritu.

Sa wala sing laygay, ang mga katuyoan napaslawan, apang sa kadam-an sang mga manuglaygay napalig-on sila.

Ang tagiposoon nga masadya nagahimo sing malipayon nga nawung, apang sa kasubo sang tagiposoon ang espiritu naboong.

Ang mga mata sang GINOO yara sa tagsa ka duug, nga nagabantay sang malaut kag maayo.

Maayo pa ang diotay nga naupdan sang kahadluk sa GINOO sang sa dakung bahandi kag may kagamo sa sini.

Ang masingkal nga tawo nagapaibwal sing pagbanggianay, apang ang makuli sa pagpangakig nagapalugpay sang kasuayon.

Ang tagiposoon sang matarung nagatoon sa pagsabat, apang ang baba sang malauton nagaula sang malaut nga mga butang.