Popular Bible Verses from NUMEROS 22

Share

Niyan ginpatikab sang GINOO ang baba sang asna, kag nagsiling sia kay Balaam, “Ano bala ang nahimo ko sa imo, nga ginbunal mo ako sini nga makatlo?”

Niyan ginbuksan sang GINOO ang mga mata ni Balaam, kag nakita niya ang manugtunda sang GINOO nga nagatindug sa dalan, nga may espada nga nagabut sa iya kamut; kag si Balaam nagduko sang iya olo, kag naghapa.

Kag ang manugtunda sang GINOO nagsiling sa iya, “Ngaa bala nga ginbunal mo ang imo asna sini nga makatlo? Yari karon, naggowa ako nga kasumpung, bangud nga ang dalanon mo balingag sa atubangan ko

Kag ang asna nagsiling kay Balaam, “Indi bala ako imo asna, nga ginsakyan mo sa bug-os nga kalawigon sang imo kabuhi tubtub sini nga adlaw? Amo bala ini ang ginahimo ko sa imo?” Kag nagsiling sia, “Indi.”

Kag si Balaam nagsiling sa asna, “Bangud nga gin-uligyat mo ako. Buut ko kuntani nga may espada ako sa akon kamut, kay niyan napatay ko na ikaw.”

Sang nakita sang asna ang manugtunda sang GINOO, naglup-og sia sa idalum ni Balaam; kag nagdabdab ang kaakig ni Balaam, kag ginhanut niya ang asna sang iya sungkud.