Popular Bible Verses from ISAIAS 49

Share

“Magakalipat bala ang babayi sa iya bata nga nagasoso, nga indi sia magkalooy sa anak sang iya tiyan?” Bisan ini sila malipat, apang ako indi malipat sa imo.

Yari karon, gintigib ko ikaw sa mga palad sang akon mga kamut; ang imo mga kuta yara sing dalayon sa akon atubangan.

Apang amo ini ang ginasiling sang GINOO: “Bisan ang mga bihag sang gamhanan agawon, kag ang inagaw sang makakulugmat luwason, kay magasuay ako sa nagapakigsuay sa imo, kag ako magaluwas sang imo mga anak.

nagasiling sia: “Tama ka diotay nga butang nga ikaw mangin-akon alagad sa pagpatindug sang mga kabikahan ni Jacob kag sa pagpahauli sang tinipigan sang Israel; ihatag ko man ikaw nga kapawa sang mga Gentil, agud nga ikaw mangin-akon kaluwasan tubtub sa ukbung sang duta.”

Mag-amba, O mga langit, kag magkalipay, O duta; mag-inamba, O kabukiran! Kay ang GINOO naglipay sang iya katawohan, kag magakalooy sa iya mga napiotan.