Popular Bible Verses from ISAIAS 45

Share

ihatag ko sa imo ang mga bahandi sang kadudulman kag ang mga manggad nga tinago sa mga duug nga tago, agud nga makilala mo nga ako, ang GINOO, ang Dios sang Israel nagatawag sa imo sa ngalan mo.

“Magauna ako sa imo kag magatapan sang mga duug nga kudulkudul, dugmokon ko ang mga ganhaan nga saway kag utdon ang mga pintal nga salsalon

Ako amo ang GINOO, kag wala na gid sing iban, luwas sa akon walay Dios; ako magasangkap sa imo, bisan wala ka makakilala sa akon, agud makilala nila, kutub sa bulutlakan sang adlaw kag kutub sa katundan, nga wala na gid sing iban luwas sa akon; Ako amo ang GINOO, kag wala na gid sing iban.

Ginahuman ko ang kapawa kag ginatuga ang kadudulman, ginahimo ko ang paghidait kag ginatuga ang malaut, Ako amo ang GINOO, nga nagahimo sini tanan nga butang.

“Tolok sa akon kag maluwas kamo, tanan nga ukbung sang duta! Kay Ako ang Dios, kag wala na gid sing iban.

Amo ini ang ginasiling sang GINOO sa iya hinaplas, kay Ciro, nga gin-uyatan ko ang iya kamut nga too, sa pagdaug sing mga pungsud sa atubangan niya kag sa paghubad sang mga balikawang sang mga hari, sa pagbukas sang mga ganhaan sa atubangan niya kag ang mga gawang indi pagtakpan

Tungud sa akon nagsumpa ako, naggowa gikan sa akon baba sa pagkamatarung ang polong nga indi magbalik: ‘Sa akon ang tanan nga tuhud magapilo, ang tagsa ka dila magasumpa.’

Tungud kay Jacob nga akon alagad, kag kay Israel nga akon pinili, gintawag ko ikaw sa imo ngalan, ginpangalanan ko ikaw, bisan wala mo ako makilala.