Popular Bible Verses from ISAIAS 11

Share

Kag magadolog sa iya ang Espiritu sang GINOO, ang espiritu sang kaalam kag paghangup, ang espiritu sang laygay kag kusug, ang espiritu sang ihibalo kag sang kahadluk sa GINOO. Kag magakalipay sia sa kahadluk sa GINOO. Indi sia maghukom sono sa panolok sang iya mga mata, ukon maghusay sono sa pagpamati sang iya mga idulungug

May magagowa nga salingsing gikan sa tuud ni Jesse, kag isa ka sanga gikan sa iya mga gamut magapamunga.

kondi magahukom sia nga may pagkamatarung sang mga imol, kag magahusay nga may pag-alangay sa mga mahagup sang duta; kag sakiton niya ang duta sang bilogon sang iya baba, kag patyon niya ang malauton sang gininhawa sang iya mga bibig.

Ang pagkamatarung manginwagkus sang iya hawak, kag ang katutum manginwagkus sang iya mga balikawang.

Indi sila maghalit ukon maglaglag sa bug-os ko nga bukid nga balaan; kay ang duta matugub sang pagkilala sa GINOO subong nga ang mga tubig nagatabon sang dagat.

Ang lobo magapuyo kaupud sang cordero, kag ang leopardo magaluko kaupud sang kanding nga tinday, kag ang tinday nga baka kag ang leon nga totoy kag ang pinatambok magatingub, kag ang bata magatuytuy sa ila.

Sa sadto nga adlaw ang gamut ni Jesse magatindug subong nga hayahay sang mga katawohan; sa iya magapangita ang mga pungsud, kag ang iya palahuwayan manginmahimayaon.