Popular Bible Verses from HEBREO 11

Share

Karon ang pagtoo amo ang kasigurohan sang mga butang nga ginalauman, ang pagpamatuud sang mga butang nga indi makita. Kay sa sini ang mga tigulang nakaagum sing diosnon nga pagkahamuut.

Kag sa walay pagtoo indi mahimo ang pagpahamuut sa iya. Kay ang nagapalapit sa Dios kinahanglan magtoo nga amo sia kag nga sia manugbalus sa mga nagapangita sa iya.

Bangud sa pagtoo nahangup ta nga nahimo ang kalibutan paagi sa polong sang Dios, sa bagay nga ang makita nahimo gikan sa mga butang nga dimakita.

Bangud sa pagtoo si Abraham nagtuman sang gintawag sia sa pagkadto sa duug nga iya batonon nga panublion; kag naglakat sia, nga wala makahibalo kon diin sia makadto. Bangud sa pagtoo nanginmanlulugayaw sia sa duta sang saad, subong sa duta nga indi iya, nga nagapuyo sa mga layanglayang upud kay Isaac kag kay Jacob, ang mga masigkamanunubli niya sang amo nga saad.

Bangud sa pagtoo si Noe, sang ginpaandaman sang Dios nahanungud sa mga butang nga wala pa makita, nagtuman kag nagtukud sing arca sa pagluwas sang iya panimalay; paagi sini gintagudilian niya ang kalibutan kag nanginmanunubli sang pagkamatarung nga nagaabut paagi sa pagtoo.

Bangud sa pagtoo si Enoc ginliton agud nga indi sia mapatay; kag wala sia makita, bangud nga ginliton sia sang Dios. Karon sa wala pa sia maliton napamatud-an sia nga nakapahamuut sa Dios.

Bangud sa pagtoo si Abel nagdolot sa Dios sing maayo pa nga halad sang kay Cain, nga paagi sini nakaagum sia sing pagkahamuut subong nga matarung, ang Dios nagasaksi sa pagbaton sang iya mga dolot; sia napatay, apang paagi sa iya pagtoo sia nagahambal pa.

Bangud sa pagtoo bisan si Sara gid nakabaton sing gahum sa pagpanamkon, bisan sang nagtaliwan na sia sa panuigon, sanglit gin-isip niya nga matutum ang nagsaad.

Kay ginpangita niya ang banwa nga may mga sadsaran, nga ang manunukud kag manugbuhat sini amo ang Dios.

Bangud sa pagtoo si Moises, sang daku na sia, nagdumili nga pagtawgon nga anak sang babaying anak ni Faraon, nga nagapasulabi sa pag-ambit sang pagpintas kaupud sa katawohan sang Dios sang sa pag-agum sang umalagi nga mga pagpangalipay sang sala. Ginkabig niya ang pagtamay nga gin-antus tungud sa Cristo nga daku pa nga manggad sang sa mga bahandi sa Egipto kay nagtan-aw sia sa balus. Bangud sa pagtoo ginbayaan niya ang Egipto, nga wala nagakahadluk sa kaakig sang hari; kay nagbatas sia subong nga nagatan-aw sa iya nga dimakita.

Bangud sa pagtoo si Abraham, sang gintilawan, naghalad kay Isaac, kag sia nga nakabaton sang mga saad handa sa paghalad sang iya bugtong nga anak

Bangud sa pagtoo si Rahab nga makihilawason wala mawala upud sa mga dimasinolondon, kay ginbaton niya nga may paghidait ang mga lampitaw.

Bangud sa pagtoo nagtabok ang katawohan sa Dagat nga Mapula subong sang sa mamala nga duta; apang ang mga Egiptohanon, sang nagpangahas sila sa paghimo sing amo, nagkalumus.

Bangud sa pagtoo nagkapukan ang mga kuta sang Jerico sa tapus nga nalibut ini sing pito ka adlaw.

Bangud sa pagtoo ginhiwat niya ang Pascua kag ginwisik ang dugo, agud nga ang Manuglaglag sang mga panganay indi magtandug sa ila.

Bangud sa pagtoo si Jose, sang malapit na ang katapusan sang iya kabuhi, naghinambit sang pagtaliwan sang mga anak ni Israel kag naghatag sing mga sogo nahanungud sang iya mga tul-an.

Bangud sa pagtoo si Jacob, sang tagumatayon sia, nagpakamaayo sang tagsa sang mga anak ni Jose, nga nagasimba nga nagadunguk sa puno sang iya sungkud.

Bangud sa pagtoo ginpakamaayo ni Isaac si Jacob kag si Esau nahanungud sa mga kabulahanan nga palaabuton.