Popular Bible Verses from EZEQUIEL 37

Share

Sa liwat nagsiling sia sa akon, “Tagna sa sini nga mga tul-an, kag isiling sa ila, O kamo nga mga tul-an nga mamala, pamatii ang polong sang GINOO. Amo ini ang ginasiling sang Ginoong DIOS sa sining mga tul-an: Yari karon, pasudlon ko ang ginhawa sa inyo, kag mabuhi kamo.

Kag butangan ko kamo sing mga kusug, kag patuboon ang unud sa inyo, kag putson kamo sing panit, kag pasudlan kamo sing ginhawa, kag mabuhi kamo; kag makilala ninyo nga Ako amo ang GINOO.”

Kag nagsiling sia sa akon, “Anak sang tawo, mabuhi bala ining mga tul-an?” Kag nagsabat ako, “O Ginoong DIOS, ikaw nakahibalo.”

Ang kamut sang GINOO sa ibabaw nakon, kag ginpagowa niya ako paagi sa Espiritu sang GINOO, kag ginbutang ako sa tunga sang nalupyakan; puno ini sang mga tul-an. Kag ginpaagi niya ako sa ila palibut; kag yari karon, may madamu gid sa kadaygan sang nalupyakan; kag yari karon, mamala gid sila.

Gani nagtagna ako sono sa ginsogo sa akon; kag sang nagtagna ako, may kagahud, kag yari karon, isa ka linog; kag ang mga tul-an nag-alangut, ang tul-an sa tul-an. Kag sang gintan-aw ko, may mga kusug sa ila, kag ang unud nagtubo, kag ang panit nagputus sa ila sa ibabaw; apang wala sing ginhawa sa ila.