Popular Bible Verses from EFESO 6

Share

Kay kita indi nagapakig-away batok sa unud kag dugo, kondi batok sa mga punoan, batok sa mga kagamhanan, batok sa mga manugdumala sang kalibutan sining kadudulman karon, batok sa espirituhanon nga mga kabon sang kalautan sa langitnon nga mga duug.

Magpangamuyo sa tanan nga tion sa Espiritu, sa bug-os nga pangamuyo kag pag-ampo. Sa sining katuyoan magbantay sa bug-os nga pagpadayon, nga nagaampo tungud sa tanan nga balaan

Isuklub ang bug-os nga hinganib sang Dios, agud nga sarang kamo makabatok sa mga daya sang yawa.

Busa gamita ang bug-os nga hinganib sang Dios, agud nga makabatok kamo sa adlaw nga malaut, kag sang nakahimo sang tanan, makatindug.

labaw sa tanan nagagamit sang taming sang pagtoo, nga sa amo makasarang kamo sa pagpapalong sang tanan nga nagadabadaba nga baslay sang malauton. Kag gamita ang pandong sang kaluwasan, kag ang espada sang Espiritu, nga amo ang polong sang Dios.

Busa magtindug, nga nawagkusan ang inyo mga hawak sing kamatooran, kag nakasuklub sang limbutong sang pagkamatarung, kag nasukluban ang mga tiil sang pangaman sang maayong balita sang paghidait

Sa katapusan, magmalig-on kamo sa Ginoo kag sa kusug sang iya gahum.

“Tahora ang imo amay kag ang imo iloy” (ini amo ang nahaunang sogo nga may saad), “agud nga magmaayo sa imo kag magkabuhi ka sing malawig sa duta.”

Mga anak, tumana ang inyo mga ginikanan sa Ginoo, kay ini matarung.