Popular Bible Verses from MANUGWALI 7

Share

Dili ka magmadagmit sa imo espiritu sa pagpangakig, kay ang kaakig nagapuyo sa dughan sang mga buangbuang.

Sa adlaw sang kauswagan magmalipayon, kag sa adlaw sang kapiotan magpamalandong; ang Dios naghimo sang isa sa luyo sang isa, sa katuyoan nga ang tawo indi makasapo sang bisan anong butang sa olihi niya.

Maayo pa ang katapusan sang butang sang sa pamuno sini; kag maayo pa ang mapailubon sa espiritu sang sa bugalon sa espiritu.

Sa pagkamatuud walay tawo nga matarung sa duta nga nagahimo sing maayo kag wala nagapakasala.

Kay ang kaalam pangapin subong nga ang cuarta pangapin; apang ang pagkalabaw sang ihibalo amo nga ang kaalam nagatipig sang kabuhi sang may iya sini.

Ang maayo nga ngalan maayo pa sa bilidhon nga lana; kag ang adlaw sang kamatayon, sang sa adlaw sang pagkatawo sang isa.

Maayo pa ang magpamati sang pagsabdong sang maalam sang sa magpamati ang tawo sang ambahanan sang mga buangbuang.

Maayo pa ang pagkadto sa balay sang paglalaw sang sa pagkadto sa balay sang piesta; kay amo ina ang katapusan sang tanan nga tawo, kag ang buhi magatipig sini sa iya tagiposoon.

Ang tagiposoon sang maalam yara sa balay sang paglalaw; apang ang tagiposoon sang mga buangbuang yara sa balay sang kinasadya.