Popular Bible Verses from MANUGWALI 12

Share

Ini amo ang katapusan sang butang; ang tanan nabatian na. Magkahadluk sa Dios, kag magbantay sa iya mga sogo; kay amo ini ang bug-os nga katungdanan sang tawo.

Kay ang Dios magadala sang tagsa ka binuhatan sa hukmanan, pati sang tagsa ka butang nga natago, kon ini maayo ukon ini malaut.

Dumduma man ang imo Manunuga sa mga adlaw sang imo pagkapamatan-on, sa wala pa mag-abut ang malaut nga mga adlaw, kag magpalapit ang mga tuig, nga magsiling ka, “Wala ako sing kalipay sa ila”; sa wala pa magdulum ang adlaw kag ang kapawa, kag ang bulan, kag ang mga bitoon kag magbalik ang mga gal-um sa tapus ang ulan

sa wala pa mabugto ang lubid nga pilak, ukon mabuka ang yahong nga bulawan, ukon maboong ang pitsil sa tuburan, ukon maboong ang aliling sa suluptan sing tubig, kag ang yab-ok nagabalik sa duta subong nga amo sia anay, kag ang espiritu nagabalik sa Dios nga naghatag sa iya.

Kadayawan sang mga kadayawan, nagasiling ang Manugwali; ang tanan kadayawan.