Popular Bible Verses from DEUTERONOMIO 4

Share

Apang gikan didto pangitaon ninyo ang GINOO nga inyo Dios, kag makita mo sia, kon pangitaon mo sia sa bug-os mo nga tagiposoon kag sa bug-os mo nga kalag.

kay ang GINOO nga imo Dios maloloy-on nga Dios; indi sia magbiya sa imo ukon maglaglag sa imo ukon magkalimot sang katipan sang imo mga ginikanan nga ginsumpa niya sa ila.

Kay ang GINOO nga imo Dios isa ka nagalamon nga kalayo, Dios nga maimon.

“Lamang andami ang imo kaugalingon, kag bantayi sing makugihon ang imo kalag, basi malimtan mo ang mga butang nga nakita sang imo mga mata, kag basi nga magbiya sila sa imo tagiposoon sa tanan nga adlaw sang imo kabuhi; ipakilala sila sa imo mga anak kag sa mga anak sang imo mga anak

busa kilalaha sa sini nga adlaw, kag hupti sa imo tagiposoon, nga ang GINOO amo ang Dios sa langit sa ibabaw kag sa duta sa idalum; wala na gid sing iban.

Kag ano bala dira nga daku nga pungsud nga may dios nga tama kalapit sa ila, subong sa GINOO nga aton Dios sa bisan san-o nga tawgon naton sia?

Kon yara ka sa kapipit-an, kag mag-abut sa imo ini tanan nga butang sa olihi nga mga adlaw magabalik ka sa GINOO nga imo Dios kag magapamati sang iya tingug

Dili kamo magdugang sa polong nga ginasogo ko sa inyo, ukon magbuhin sa sini; agud nga mabantayan ninyo ang mga sogo sang GINOO nga inyo Dios nga ginasogo ko sa inyo.