Popular Bible Verses from 2 MGA CRONICA 20

Share

Kag nagsiling sia, “Pamati kamo, bug-os nga Juda kag kamo nga mga pumuluyo sang Jerusalem, kag ikaw Hari Josafat: amo ini ang ginasiling sang GINOO sa inyo, ‘Dili kamo magkahadluk, ukon magkahangawa bangud sining daku nga kadam-an; kay ang inaway indi inyo kondi iya sang Dios.

Dili kinahanglan nga kamo mag-away sa sining inaway; pahamtang kamo, pahimonong kamo, kag tan-awa ang kaluwasan sang GINOO upud sa inyo, O Juda kag Jerusalem.’ Dili magkahadluk, ukon magkahangawa; buwas gowa kamo batok sa ila, kay ang GINOO nagaupud sa inyo.”

O Dios namon, indi mo bala paghukman sila? Kay wala kami sing kusug batok sa sining daku nga kadam-an nga nagakari batok sa amon. Indi kami makahibalo kon ano ang himoon, apang ang amon mga mata yara sa imo.”

Kag sang nakapakigsapul sia sa katawohan, gintangdoan niya ang mga manug-amba sa GINOO, kag manugdayaw sa iya nga may balaan nga panaput, sa nagagowa sila sing una sa hangaway, kag nagasiling, “Magpasalamat kamo sa GINOO, kay ang iya malig-on nga paghigugma nagapadayon sa gihapon.”

Kag sang nagsugud sila sa pag-amba kag pagdayaw, nagbutang ang GINOO sing mga manugpuot batok sa mga tawo sang Amon, sang Moab, kag sang Bukid nga Seir, nga nagkari batok sa Juda, kag ginsakit sila.

Niyan si Josafat hinadlukan, kag nagtapat sang iya kaugalingon sa pagdangup sa GINOO, kag nagbantala sia sing puasa sa bug-os gid nga Juda.

‘Kon ang malaut mag-abut sa amon, ang espada, paghukom, ukon kamatay, ukon tiggulutum, magatindug kami sa atubangan sining balay, kag sa atubangan mo, kay ang imo ngalan yari sa sining balay, kag magtuaw sa imo sa amon kapipit-an, kag ikaw magpamati kag magaluwas.’

Buwas dulhog kamo batok sa ila; yari karon, nagataklad sila paagi sa taklaran sang Ziz; makita ninyo sila sa ukbung sang nalupyakan, sa atubang sang kamingawan sang Jeruel.

Kag ang Juda nagtipon sing tingub sa ila kaugalingon sa pagpatabang sa GINOO; gikan sa tanan gid nga banwa sang Juda nag-abut sila sa pagpangita sa GINOO.