Popular Bible Verses from Mga Taga-Roma 4

Share

Nagpadayon sia sa iya pagtuo kag wala sia magpangduhaduha sa saad sang Dios. Ang iya pagtuo nagpalig-on sa iya, kag nagdayaw sia sa Dios. Kay sigurado gid sia nga ang Dios may gahom sa pagtuman sang iya ginsaad.

Ang kasulatan nagasiling, “Ginhimo ko ikaw nga amay sang madamo nga mga kapungsoran.” Gani, ang saad matuod sa panulok sang Dios, ang Dios nga gintuohan ni Abraham—ang Dios nga nagabanhaw sang mga minatay, kag sa iya pagmando ginatuga ang mga butang nga wala pa matuga.

Gintugyan sia nga patyon tungod sang aton mga sala, kag ginbanhaw sia, agod sarang kita mabaton sa panulok sang Dios.

Si Abraham nagtuo kag naglaom, bisan wala na sing kabangdanan sa paglaom. Gani, “nangin-amay sia sang madamo nga mga kapungsoran.” Subong sang ginasiling sang kasulatan, “Manginsubong kadamo sining bituon ang imo mga kaliwat.”

Gani, ang saad napasad sa pagtuo, agod nga mangingarantiya ini subong isa ka regalo sang Dios para sa tanan nga mga kaliwat ni Abraham—indi lamang sa mga nagatuman sang Kasugoan, kundi man sa mga nagatuo subong kay Abraham. Kay si Abraham amo ang amay nga espirituhanon naton tanan.

“Malipayon ang mga tawo nga ang ila mga sala ginpatawad, nga ang ila mga sala ginakalimtan! Malipayon ang tawo nga ang iya mga sala indi na pag-isipon sang Ginoo batok sa iya!”

Ang kasulatan nagasiling, “Nagtuo si Abraham sa Dios, kag tungod sang iya pagtuo, ginbaton sia sang Dios subong isa ka matarong nga tawo.”