Popular Bible Verses from Abdias 1

Share

“Pero sa Bukid sang Sion, may mga tawo nga makapalagyo, kag ini nga lugar manginbalaan. Ang mga tawo ni Jacob magapanag-iya sang duta nga ila gid man palanublion.

“Madali na lang ang adlaw sa diin ako, ang GINOO, magahukom sang tanan nga mga kapungsoran. O Edom, kon ano ang ginhimo mo pagahimuon man sa imo. Kon ano ang ginhatag mo, amo man ang pagabatunon mo.

Ang imo bugal nagdaya sa imo. Ang imo ginaestaran napamakuran sang bato, ang imo balay yara sa putokputokan sang mga kabukiran, gani nagasiling ka sa imo kaugalingon, ‘Sin-o gid bala ang makapukan sa akon?’

Pero bisan ipahamtang mo ang imo balay subong kataas sang pugad sang agila, nga daw didto na sa mga kabituonan, pero akon ikaw sa gihapon butongon paidalom,” Amo ini ang ginsiling sang GINOO.