Popular Bible Verses from Mateo 12

Share

“Ako nagasiling sa inyo: sa Adlaw sang Paghukom ang tagsatagsa magapanabat sa tagsa ka pulong nga wala sing pulos nga ginhambal niya. Kay sa imo mga pulong pagahukman ka, sa paghilway ukon sa pagkondenar sa imo.”

Kamo nga kaliwat sang mga man-og, paano bala ang paghambal ninyo sing maayo nga mga butang kon kamo malaut? Kay ginahambal sang baba kon ano ang yara sa tagipusoon.

Ang maayo nga tawo nagapagwa sing maayo nga mga butang gikan sa mga gintipon niya nga maayo, ang tawo nga malaut nagapagwa sang malaut nga mga butang gikan sa mga tinago niya nga malaut.

Gani, nagasiling ako sa inyo: mapatawad ang mga tawo sang bisan ano nga sala kag sang malaut nila nga ginapanghambal, pero indi mapatawad ang bisan sin-o nga maghambal sing malain batok sa Espiritu Santo.

“Agod makaangkon sang maayo nga bunga dapat ang kahoy maayo, kay kon ang kahoy indi maayo, magaangkon ini sang indi maayo nga bunga. Kay ang kahoy makilala sa iya bunga.