Popular Bible Verses from Josue 1

Share

Dumdoma ang akon sugo, ‘Magpakalig-on ka kag magpakaisog! Indi ka magkahadlok ukon madulaan sing paglaom, kay ako, ang GINOO nga imo Dios, magaupod sa imo bisan diin ikaw makadto.’”

Basahon mo ang libro sang Kasugoan sa mga tawo sa tagsa ka tion nga nagasimba sila. Tun-i ini sa adlaw kag sa gab-i, kag tumana ang tanan nga nasulat sa sini nga kasugoan. Dayon magamainuswagon ka kag magamadinalag-on.

Gani magpakalig-on ka kag magpakaisog, kag magkabuhi ka suno sa bug-os nga Kasugoan nga ginhatag sa imo sang akon alagad nga si Moises. Indi mo pagpatumbayaan ang bisan ano nga bahin sini, kag manginmadinalag-on ka bisan diin ka magkadto.

Wala sing may makadaog sa imo samtang nagakabuhi pa ikaw, Josue. Magaupod ako sa imo subong sang akon pag-upod kay Moises, kag indi ko gid ikaw pagpabay-an ukon pagpatumbayaan.

Magpakalig-on ka kag magpakaisog, kay ikaw ang magapangulo sa sini nga mga tawo sa pagpanag-iya sining duta nga ginsaad ko nga ihatag sa ila mga katigulangan.

Subong sang ginsiling ko kay Moises, ginhatag ko sa inyo nga akon mga tawo ang tanan nga duta nga inyo pagaagyan.

“Si Moises nga akon alagad patay na. Gani karon maghanda kamo, ikaw kag ang tanan nga mga tawo sang Israel, sa pagtabok sa Suba sang Jordan, kag sa pagsulod sa duta nga akon ginahatag sa inyo.

Sang patay na si Moises nga alagad sang GINOO, nagsiling ang GINOO sa kabulig ni Moises nga si Josue nga anak nga lalaki ni Nun

Halin sa desierto sa nabagatnan ang inyo mga dulonan magalambot pakadto sa mga Kabukiran sang Libano sa aminhan, halin sa daku nga Suba sang Eufrates sa sidlangan, pakadto sa kadutaan sang mga Hethanon, tubtob sa Dagat sang Mediteraneo sa nakatundan.

Ang bisan sin-o nga magsuay sang imo awtoridad ukon indi magtuman sang bisan ano nga imo ginamando, pagapatyon. Magpakalig-on kag magpakaisog ka lang!”

“Kadto kamo sa kampo kag singgana ninyo ang mga tawo, ‘Maghanda kamo sang nagakaigo nga pagkaon kay sa sulod sang tatlo ka adlaw magatabok kita sa Suba sang Jordan sa pagpanag-iya sang duta nga ginahatag sa aton sang GINOO nga aton Dios.’”