Popular Bible Verses from Genesis 45

Share

Karon, indi kamo magkalisod ukon magbasol sang inyo kaugalingon tungod kay ginbaligya ninyo ako diri. Ang Dios amo ang nagpauna sa akon diri sa pagluwas sang kabuhi sang mga tawo.

Gani indi kamo ang nagpadala sa akon diri, kundi ang Dios. Ginhimo niya ako subong nga amay sa hari. Ako ang manugdumala sang iya bug-os nga duta, kag ako ang nagagahom sang bug-os nga Ehipto.

Ang Dios nagpadala sa akon sing una sa inyo sa pagluwas sa inyo sa sining makatilingala nga paagi agod indi kamo kag ang inyo mga kaliwat magkalamatay.

Dayon si Jose nagsiling sa ila, “Kon mahimo magpalapit kamo sa akon.” Nagpalapit sila, kag nagsiling sia, “Ako ang inyo utod nga si Jose nga inyo ginbaligya sa Ehipto.

Ikaduha pa lang ini nga tuig sang tiggulotom sa duta. May lima pa ka tuig nga wala sing pag-arado ukon pag-ani.

Si Jose nagsiling sa iya mga utod, “Ako si Jose. Buhi pa bala ang akon amay?” Pero ang iya mga utod hinadlukan gid sa iya, gani indi sila makasabat.