Popular Bible Verses from Exodo 20

Share

“Ako amo ang GINOO nga imo Dios, nga nagdala sa imo pagwa sa Ehipto, sa diin gin-ulipon ka. “Indi ka magsimba sa iban nga mga dios, luas sa akon.

“Indi ka maghimo para sa imo kaugalingon sang isa ka diosdios ukon isa ka larawan sang bisan ano nga tinuga sa langit, ukon sa duta, ukon sa tubig nga yara sa idalom sang duta. Indi ka magluhod ukon magsimba sa bisan ano nga diosdios, tungod kay ako ang GINOO nga imo Dios, kag maimon ako nga Dios. Sa mga nagadumot sa akon silutan ko ang ila mga kaanakan tubtob sa ikatlo kag ikap-at nga kaliwatan.

“Tahura ang imo amay kag iloy, agod nga magkabuhi ka sing malawig sa duta nga ginahatag ko sa imo.

“Dumdoma ang Adlaw nga Inugpahuway, kag pakabalaana ini.

“Indi mo paggamiton sa wala sing pulos ang akon ngalan kay ako ang GINOO nga imo Dios, magasilot sang bisan sin-o nga maggamit sang akon ngalan sa wala sing kapuslanan.

Mag-obra ka sa sulod sang anom ka adlaw, pero ang ikapito nga adlaw amo ang Adlaw nga Inugpahuway nga imo igahalad sa akon. Indi ka mag-obra sa sina nga adlaw, ikaw, ukon ang imo mga kaanakan, ukon ang imo mga ulipon, ukon ang imo mga kahayupan, ukon ang mga dumoluong nga nagaestar sa imo banwa.

“Indi ka magkaibog sang balay sang imo isigkatawo. Indi ka magkaibog sang iya asawa, ukon sang iya mga ulipon, sang iya mga baka, ukon sang iya mga asno, ukon sang bisan ano niya nga mga pagkabutang.”

“Indi ka magsaksi sing binutig sa imo isigkatawo.

“Indi ka magpanginbabayi ukon magpanginlalaki.

“Indi ka magpatay.

“Indi ka magpangawat.