Popular Bible Verses from Deuteronomio 7

Share

Dumdoma nga ang GINOO nga inyo Dios amo lamang ang Dios, kag masaligan sia. Tumanon niya ang iya kasugtanan sa inyo kag ipakita niya ang iya malig-on nga paghigugma sa linibo nga mga kaliwatan nga nagahigugma sa iya kag nagatuman sa iya mga sugo

Himua ninyo ini tungod kay iya kamo sang GINOO nga inyo Dios. Gikan sa tanan nga mga tawo sa duta, ginpili niya kamo nga mangin-iya kaugalingon nga pinasahi nga mga tawo.

Pero ang GINOO naghigugma sa inyo kag luyag niya tumanon ang saad nga ginhimo niya sa inyo mga katigulangan. Gani ginluwas niya kamo paagi sa iya daku nga gahom kag ginhilway niya kamo gikan sa pag-ulipon sa inyo sang hari sang Ehipto.

“Ang GINOO wala maghigugma kag magpili sa inyo tungod kay madamo kamo sang sa iban nga mga katawhan. Kon sa bagay kamo ang pinakadiutay nga pungsod sa duta.

Wala sing mga tawo sa kalibutan nga ginhatagan sing madamo nga kaayuhan subong sang sa inyo. Wala sing isa sa inyo nga manginbaw-as, ukon bisan isa sang inyo mga baka nga manginmatsura.