Popular Bible Verses from 2 Mga Hari 2

Share

Didto si Elias nagsiling kay Eliseo, “Sugiri ako kon ano ang luyag mo himuon ko sa imo sa wala pa ako makuha palayo sa imo.” Si Eliseo nagsabat, “Hatagi ako sang doble sang imo gahom nga magahimo sa akon nga tal-os mo.”

Nagsugilanon sila samtang nagalakat sila kag sa hinali lang ang isa ka karwahi nga kalayo nga ginaguyod sang mga kabayo nga kalayo nag-abot sa tunga nila, kag si Elias gindala sa langit paagi sa isa ka buhawi.

Si Elias nagsabat, “Mabudlay ihatag ang imo ginapangayo, pero mabaton mo ini kon makita mo ako nga ginakuha na palayo sa imo; kon indi mo ako makita, indi mo ini mabaton.”

Ginhampak niya ang tubig sang kunop ni Elias kag nagsiling sia, “Diin na ang GINOO, ang Dios ni Elias?” Dayon ginhampak niya liwat ang tubig kag napihak ini, kag naglakat sia pakadto sa pihak.

Nakita ini ni Eliseo kag nagsinggit sia kay Elias, “Amay ko, amay ko! Gamhanan nga mangangapin sang Israel! Wala na ikaw!” Kag wala na niya makita si Elias liwat. Sa kasubo, gingisi ni Eliseo ang iya bayu sa duha ka bahin.

Dayon gin-uba ni Elias ang iya kunop, ginlukot ini kag ginhampak sa tubig. Ang tubig napihak, kag sia kag si Eliseo nag-agi sa mamala nga duta sa pagtabok sa pihak.

Ang tion nag-abot nga ang GINOO magadala kay Elias sa langit paagi sa buhawi. Si Elias kag si Eliseo naglakat halin sa Gilgal