Popular Bible Verses from 1 Mga Taga-Tesalonica 4

Share

Dayon kita nga mga buhi pa sa sadto nga tion pagatipunon upod sa ila sa mga panganod sa pagsugata sa Ginoo sa kahawaan. Ti, manginkaupod kita sa Ginoo sing dayon.

Kay sa singgit sang pagmando, sa tingog sang arkanghel kag sa tunog sang trumpeta sang Dios, ang Ginoo mismo magapanaog halin sa langit. Ang tanan nga nagkalamatay nga nagatuo kay Cristo pagabanhawon sing una.

Amo ini ang kabubot-on sang Dios sa inyo: luyag niya nga magbalaan kamo, kag likawan gid ninyo ang pagpakighilawas. Ang tagsa sa inyo nga mga lalaki dapat makahibalo magpakigbagay sa inyo asawa sa balaan kag dungganon nga paagi

Nagatuo kita nga si Jesus napatay kag nabanhaw. Gani nagatuo man kita nga pagadalhon sang Dios upod kay Jesus ang tanan nga nagkalamatay nga nagatuo sa iya.

Magtinguha kamo sa pagkabuhi sing malinong, nga nagahimo sang inyo kaugalingon nga bulohaton, kag nagapangabudlay para sa inyo kaugalingon nga palangabuhian, subong sang ginsiling namon sadto sa inyo.

Ang Dios nagtawag sa aton sa pagkabuhi sing balaan kag indi sa pagpakighilawas.