Popular Bible Verses from 1 Samuel 17

Share

Nagsabat si David, “Nagapalapit ka sa pagpakig-away sa akon nga may espada, bangkaw kag sumbiling, pero ako nagapalapit sa pagpakig-away sa imo sa ngalan sang GINOO nga Makagagahom, ang Dios sang mga hangaway nga Israelinhon, nga imo ginahangkat.

kag ang tanan diri makahibalo nga ang GINOO wala nagakinahanglan sang mga espada ukon mga bangkaw sa pagluwas sang iya mga tawo. Madinalag-on sia sa inaway kag itugyan niya kamo tanan sa idalom sang amon gahom.”

Ang GINOO nagluwas sa akon sa mga leon kag mga oso kag magaluwas man sia sa akon sa sini nga Filistinhon.” Nagsabat si Saul, “Sigi, lakat kag ang GINOO magaupod sa imo.”

Sa sini gid nga adlaw ang GINOO magatugyan sa imo sa akon kamot. Lutoson ko ikaw, utdon ko ang imo ulo, kag ihatag ko ang mga lawas sang mga soldado nga Filistinhon nga manginkalan-on sang mga pispis kag mga sapat. Dayon ang bug-os nga kalibutan magakilala nga ang Israel may Dios

Ginkuha niya ang iya sungkod, kag dayon nagpulot sia sing lima ka matipulon nga mga bato sa sapa kag ginsulod ini sa iya puyo. Naglakat sia nga handa na sa iya kamot ang iya labyog sa pagpakig-away kay Goliat.

Si David nagsiling kay Saul, “Mahal nga hari, wala sing isa nga dapat magkahadlok sini nga Filistinhon! Ako ang magapakig-away sa iya.”