Popular Bible Verses from 1 Mga Hari 17

Share

Kay amo ini ang ginasiling sang GINOO, ang Dios sang Israel, ‘Ang yahong indi maubosan sing harina kag ang tibod indi maubosan sing lana tubtob sa adlaw nga ako, ang GINOO, magapadala sing ulan.’”

Ang isa ka propeta nga ginhingalanan kay Elias, halin sa Tisbe sa Galaad, nagsiling kay Haring Acab, “Sa nagakabuhi ang GINOO ang Dios sang Israel, nga akon ginaalagad, ginasingganan ko ikaw nga wala sing tun-og ukon ulan sa madason nga duha ukon tatlo ka tuig tubtob magsiling ako.”

Si Elias nagsiling sa iya, “Indi ka magpalibog. Lakat ka kag magluto sang inyo pagkaon. Pero lutoi anay ako sing diutay nga tinapay sa imo harina kag dalha diri sa akon, kag dayon lutoa ang nabilin para sa imo kag sa imo anak.

Nagsabat sia, “Sa ngalan sang buhi nga GINOO nga imo Dios, nagasumpa ako nga wala ako sing kalan-on. Ang nabilin ko nga harina isa na gid lang ka hakop sa yahong kag diutay nga lana sang olivo sa tibod. Nagkadto ako diri sa pagpangahoy agod sa akon pagpauli maluto ko ang diutay nga nabilin para sa akon kag sa akon anak nga lalaki. Amo na ini ang katapusan namon nga pagkaon kag dayon mapatay kami sa gutom.”

“Karon kadto ka sa banwa sang Sarepta nga malapit sa Sidon kag didto ka mag-estar. Ginsugo ko ang isa ka babayi nga balo nga nagaestar didto sa pagpakaon sa imo.”

Subong sang ginsaad sang GINOO paagi kay Elias, ang yahong wala maubosi sing harina kag ang tibod wala maubosi sing lana.

Ang balo naglakat kag ginhimo niya ang ginsiling ni Elias, kag tanan sila wala mawad-i sing pagkaon sa sulod sang madamo nga mga inadlaw.

Gani si Elias nagkadto sa Sarepta, kag sang pag-abot niya sa pwerta sang banwa nakita niya ang isa ka babayi nga balo nga nagapangahoy. Nagsiling sia sa babayi, “Palihog paimna ako.”

Ang sapa magahatag sa imo sing tubig nga ilimnon, kag ginsugo ko ang mga uwak sa pagdala sa imo sing pagkaon didto.”

Sang paglakat sang babayi sa pagkuha sing tubig nagsiling pa gid sia, “Kag palihog dalhi man ako sing kalan-on.”

Nag-inom sia sa sapa, kag ang mga uwak nagdala sa iya sing kan-on kag sud-an kada aga kag kada gab-i.

Sa wala madugay, tungod nga wala sing ulan, ang sapa nagmala.

Ang balo nagsabat, “Karon nahibal-an ko nga ikaw propeta sang Dios, kag matuod nga ang GINOO nagahambal paagi sa imo!”

Si Elias nagtuman sang sugo sang GINOO, kag naglakat sia kag nagtener sa tupad sang Sapa sang Kerit.

Ang GINOO nagsabat sang pangamuyo ni Elias kag ang bata nagginhawa liwat kag nabuhi.