Popular Bible Verses from Róóma 2

Share

Aaléka, it hí gálaat ˈdeđensete-, kor hé gaalí ekemeyo kinaal úba hí ekemeychóol! Hí tawuyyeká itínka Waag ˈdéé ki iđinyle met karro hí gaa ˈdaraanna? Bá he taalle Waag geer guuralle ubaa nog ki sienle, tá geer gaa guchlé guđo-, hí itín aargisichóóllá hí egesheyche? Mú geer guuralle hát hí af tatiyyo-, giri hí hé kíchia ˈdeđewká haađicha-, tá hí mú makan fafaannaká it eiy ma náásan?

It halúg gálaat ˈdeđensetéel, itín hát níínní hí hol ˈdéé ˈdú hogotoká mán, ˈdaa giri it tikiˈde hí gáál ˈdeđensetééllá hí hé tikiˈde gaal íín hí ekemeyóóllá úba hí ekemeychóóllá. Af giri hí gálaat hatal ˈdeđensetoká itín dhúr kíchia hí hol ˈdéé ki iđiny Waaˈgiet ˈdú gáá egeyye.

Waag hé gálaat ˈdug ma gáá dhaˈgaminy, gálaat héllé ger ka ˈguoká dhaˈgasanna, in gálaat hát ˈduwantiká ˈdéé ki iđimicha.

Aaléka, gál hemuumurit kinaal mamalo-, kor hemuumurít el ma gaa igirinyká, innum Waaˈgietka hé gál ˈdúwaká muuniny. Tá gál hemuumurit kinaal el gaa igiro-, ekemeyoká in Waag innumleka, Waag hí gál ˈdúwaká chegedhe.

Kúlích kinaallá in Waag máádhat héllé he eekemeyká ˈdáble he ki shigicha.

Tá gál giri tákámle he hol ki fedo-, hé ˈdúwaká điđidhan-, hé ˈdeđewká el gaa igiroká, Waag idholle ubaa Waag he il ká argisinyle hai aargira.

Aaléka, ˈdaa giri hí met ki guogo-, hí hé kíchia ˈdeđewká ma haađinykáka, in hí Waag kúlíchlé gálaat ˈdéé ki iđimicho-, gálaat he il ká aargisichoká ali kí ˈdeennoká idhollé hí áár kaate.