Popular Bible Verses from Róóma 14

Share

Guch Waaˈgiet héllé ˈdúwaká hé he kóony ubaa he ím muuniny, Guch Waaˈgiet he hát Waag hí feˈdoká ekenylé, héétí naanná ubaa geer gaa meen ke hol ki ijoká. Hééllá lulle Hím Naasan Waaˈgieto ˈdaalle yé gáá ˈdeˈdeme. Máá hújích Kiristo hatallá nannuoká Waago geer gaa memeye, héétí gálaat ˈdúúw haí shigia.

Muun hátlé ke les ˈdug ˈdú ijóóllá, les ˈdug ˈdú iđinykúnno Waago ke gaa ˈduuwasia. Héétí ke kufeka, kúfáchkúnno Waago ke gaa ˈduuwaya. Aaléka, ke les ˈdug ˈdú ija yíekaʼ, ke kuf yíekaʼ, Waago gáál le.

Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Aaléka, kí hol ˈdeensen hayo. Hé kinaal afleka kí hol ˈdéé mé gaa eet, giri nyaaram kúnnaa Kiristóóllá hé mákárta-, hí riigirsuo-, hí ađaabano mé ki kokuoká ke gáál ˈgas met ma gaa iđiminyká.

Hát Warˈgat Waaˈgiet hí hote-, kieye, Máá Guđo Waag kieye, Taalle yú biiy gaa ijóóllá, bar ali hai kí ˈdeenne, gálaat lulle met kurram hai ye gaa ˈdarama, tá erb lulle yú hát Waagká hai hogodho, Máá Guđo Waag hí yieká, Warˈgát hí chieká. Aaléka, múún lulkúnno hé kúnnaa mákártaká Waag met ha ke gaa hogodho.

Máá iiy yeenlé Kirísto iiy yieká đalidheká ka ˈjobontíe, mú tawunylé đalimmo muí ˈguo kinaal haí mú ˈdú ˈdéénsen.

Kúún mááya, kó gédéch máá eiy ˈdeđensetóol? Gédéch Waaˈgiet ˈdeđensetóóllá Máállé Guđo Waago hí ˈdeđente, muuninyka, hí máá ˈdúwaká yegedhe. Tá Waag hé mú ma ˈdeđensen, mú yiir hai gaa chiirata.