Popular Bible Verses from Róóma 12

Share

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Aaléka, nyaaramchú, gillo yú hí ki efe, ˈdaa giri Waag hí geer guurá argisichééllá, gónkícho hol suor luol-, hé Waag hí feˈdoká ekemeycho-, Waag geer gaa memeychoká Waag ki hoyyíe. ˈGíérích ˈdúwa-, hí Waag ki ˈduuwaychoká hééllá.

Waag hé hí af iđiche-, hí met egetoká, hát geer gaa meentiká ki esée, manyjany hát lulle il hí aargiˈdoká mé ki chiichirtíe, Waag viivitíe.

Aaléka, hé ˈdeđewká haí ka ádhan, tá hé ˈdeđew kinaal hé midhabká eekemenyle kí adhdhíe.

Gielmit gálle hol ki ˈdalidheká hol ka ˈgáa, hol súm kiikiadhíe.

Gielmitkícho hí gielmit ˈdúwaká onnoyyo. Hé gaa nyakarichká nebedhíe, hé ˈdabaan-, Waag hí feˈdoká ki kuongʼoˈdíe.

Gálaat lúl hát hí uˈdoká hol naanná ki yíéđía.

Sheelchú, haí hala kakáany, Waag idholle kar shiigía, hí hala ká naanniyyo, hát Warˈgat Waaˈgiet hí chie-, kieye, Hala kaany yaa hí le, hí ká nannaa, Máá Guđo Waag hí yie, warˈgát hí chieká.

Gon síg hayyíe, gúóf ˈgáa, hodhinaam gálle hújích Máá kúnnaa Guđoká hát ˈdabaanká nannuoká ˈgáa.

Hújích ˈdaakíchoka Waag hí ye mé ki koyye-, yú nannúóllá ˈdaalleka, lulkícho yú hí geeye, ˈduuw hí ma lilenyká haí hékícho hóson, tá ˈdaa iiy yeenkícho ˈdaˈdab Waag hí eiy eiy shiichéélláka, máádhat hí hol hát ˈdabaanká eiy naasat.

Haí hé ˈdeewká héllé ˈdeewká akaˈd madîny. Hol ˈdeeˈdemíe, húgúmkícho hí húgúm innum gálaat gaa midhabká onnow.

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Warˈgat Waaˈgiet úba kieye, Máá ko ka kidhichká geer hí gaa boloyka, golólish, báre hí chieska, bie shíish. Hééllá ekeycheka, he hát kó mú ˈduno booˈdoyká mé ˈdú fiiyye, chieká.

Gál hí maanyjasuoká ˈdú ˈguunumíe, gáál haí ˈdoˈdóriny, Waag hí nyuoˈdo, gáál yiegedhíe. Gál ger hí gaa meedheká hol ˈgar kosolmíe, gál geer ˈdéént ki ijoká hol ˈgar buoyyíe.

Gál Kiristo he hí ki ˈgierˈgernítaka he shiigía, héétí gáláát hí kí faanká mé guđáan yiegedhíe.

Hát tikiˈde gón máádhat met hí hol ká burnayye-, hujichaam hí hol ká eiyyééllá, Kirísto gónle úba hát kinaallá. Múúni ke gál Kiristóóllá he ki gón Kiristo. Hé kinaallá kieye, múún lulkúnno hollo ke hol ki ˈgee.