Popular Bible Verses from Jeremias 22

Share

“Ako, ang GINOO, nagsugo kaninyo pagbuhat sa husto ug matarong. Panalipdi ang gilimbongan batok sa mga limbongan. Ayaw pasipad-i o daugdaoga ang mga langyaw, mga ilo ug mga biyuda ug ayaw patya ang mga inosente dinhi niining balaang dapit.

Nakapahimo ba kanimong maayong hari ang pagtukod ug mga balay nga sidro nga matahom pa kay sa uban? Ang imong amahan nakapahimulos ug taas nga kinabuhi. Ang husto ug makatarunganon maoy kanunay niyang gibuhat ug nagmalampuson siya sa tanan niyang gihimo. Gihatagan niyag hustisya ang kabos busa walay kadaot nga midangat kaniya. Mao kini ang kahulogan sa pag-alagad ngadto sa GINOO.

Alaot ang tawo nga nagtukod ug balay pinaagi sa pagpanglupig, ug nakahimog mga lawak sa itaas pinaagi sa pagpanglimbong, ug nagpatrabaho sa walay pagsuhol sa nagtrabaho.