Popular Bible Verses from SALMO 34

Share

Ang GINOO duol niadtong mga magul-anon ug kasingkasing, ug nagluwas niadtong naluya ang espiritu.

Gipangita nako ang GINOO, ug gitubag niya ako, ug giluwas niya ako gikan sa tanan nakong mga kahadlok.

Daghan ang mga kagul-anan sa matarong; apan ang GINOO magluwas kaniya gikan nianang tanan.

O sulayi ug makita ninyo nga ang GINOO maayo! Bulahan ang tawo nga modangop kaniya!

Mitutok sila kaniya, ug misanag sila; ug ang ilang mga nawong dili gayod maulawan.

Sa diha nga magpakitabang ang mga matarong, ang GINOO mamati, ug magluwas kanila gikan sa tanan nilang mga kagul-anan.

Ang anghel sa GINOO maglibot niadtong may kahadlok kaniya, ug magluwas kanila.

Palayo gikan sa daotan, ug buhata ang maayo; pangitaa ang pakigdait ug sunda kini.

Bantayi ang imong dila gikan sa daotan, ug ang imong ngabil gikan sa pagsulti ug limbong.

Ang mga mata sa GINOO anaa sa matarong, ug ang iyang mga dalunggan sa ilang pagtuaw.

O dayega ang GINOO uban kanako, ug maghiusa kita sa pagbayaw sa iyang ngalan!