Popular Bible Verses from SALMO 31

Share

Pagmalig-on kamo ug padasiga ang inyong kasingkasing, kamong tanan nga naghulat sa GINOO!

Ang akong mga panahon anaa sa imong kamot; luwasa ako gikan sa kamot sa akong mga kaaway, ug sa mga naglutos kanako!

Pagkadako gayod sa imong kaayo nga gitagana nimo sa mga may kahadlok kanimo, ug giandam nimo alang kanila nga midangop kanimo, sa atubangan sa mga anak sa katawhan!

Apan nagsalig ako kanimo, O GINOO; ako nag-ingon, “Ikaw mao ang akong Dios.”

Kay ikaw mao ang akong bato ug ang akong kuta; tungod ug alang sa imong ngalan, tultoli ug giyahi ako

Nganha sa imong kamot gitugyan nako ang akong espiritu; gitubos nimo ako, O GINOO, matinud-anon nga Dios.

Higugmaa ang GINOO, kamong tanan nga mga balaan niya! Ang GINOO manalipod sa mga matinumanon, apan panimaslan niya sa makadaghan ang nagbuhat nga mapagarbohon.

Kanimo, O GINOO, midangop ako; ayaw gayod itugot nga maulawan ako; luwasa ako diha sa imong pagkamatarong!