Popular Bible Verses from SALMO 103

Share

Dayega ang GINOO, O akong kalag, ug ayaw kalimti ang tanan niyang kaayohan

siya nga nagpasaylo sa tanan nimong kasal-anan, nga nag-ayo sa tanan nimong mga balatian, nga naglukat sa imong kinabuhi gikan sa Gahong, nga nagpurongpurong kanimo sa gugmang walay paglubad ug sa kaluoy, nga nagtagbaw kanimo sa maayong mga butang sa imong kinabuhi, aron ang imong pagkabatan-on mabag-o sama sa agila.

Dayega ang GINOO, O akong kalag; ug ang tanan nga ania sa sulod nako, dayega ang balaan niyang ngalan!

Sama sa usa ka amahan nga naluoy sa iyang mga anak, mao usab ang GINOO nga maluoy niadtong may kahadlok kaniya.

sama sa gilay-on sa silangan gikan sa kasadpan, mao usab ang gilay-on sa iyang pagpahimulag kanato gikan sa atong mga kalapasan.

Ang GINOO maluluy-on ug puno sa grasya, hinay sa pagkasuko ug madagayaon sa gugmang walay paglubad.

Dili siya magbuhat sumala sa atong mga kasal-anan, o magbalos kanato sumala sa atong mga kalapasan. Kay ingon nga ang kalangitan anaa sa taas ibabaw sa yuta, mao usab kadako ang iyang gugmang walay paglubad ngadto kanila nga may kahadlok kaniya

Gipahimutang sa GINOO ang iyang trono didto sa kalangitan, ug ang iyang gingharian naggahom ibabaw sa tanan.