Popular Bible Verses from ISAIAS 54

Share

walay hinagiban nga gibuhat batok kanimo nga magmalamposon, ug imong pamatud-an nga sayop ang matag dila nga maghukom batok kanimo. Kini mao ang panulundon sa mga sulugoon sa GINOO, ug ang ilang pagkamatarong nga gikan kanako, nag-ingon ang GINOO.”

Kay ang kabukiran mawala ug ang kabungtoran mabalhin, apan ang akong gugmang walay paglubad dili mobulag kanimo, ug ang akong kasabotan sa pakigdait dili mahanaw, nag-ingon ang GINOO nga adunay kaluoy kanimo.

“Ayaw kahadlok, kay ikaw dili maulawan; ayaw kalibog, kay ikaw dili pakaulawan; kay ikaw malimot sa kaulawan sa imong pagkabatan-on, ug ang kaulawan sa imong pagkabiyuda dili na nimo mahinumdoman.

Kay ang imong Magbubuhat mao ang imong bana, si Yahweh sa mga panon mao ang iyang ngalan; ug ang Balaan sa Israel mao ang imong Manunubos, siya gitawag nga Dios sa tibuok nga yuta.

Padakoa ang dapit sa imong tolda, ug ipabukhad ang mga tabil sa imong mga puluy-anan; ayaw pugngi, patas-i ang imong mga pisi, ug lig-ona ang imong mga ugsok.

Ang tanan nimo nga mga anak tudloan sa GINOO, ug dako ang kauswagan sa imong mga anak.

Sa nag-awas nga kasuko gitago nako ang akong nawong gikan kanimo sa mubo nga panahon, apan uban sa gugmang walay paglubad kaluy-an ko ikaw, nag-ingon ang GINOO nga imong Manunubos.

Kay sa mubo nga panahon gibiyaan ko ikaw, apan uban sa dakong kaluoy kuhaon ko ikaw.

“Kay kini alang kanako sama sa mga adlaw ni Noe: ingon nga ako nanumpa nga ang katubigan dili na molunop sa yuta, ako nanumpa nga dili na ako masuko kanimo ug dili na mobadlong kanimo.

Himoon nako ang imong mga lantawan sa mga rubi, ang imong mga ganghaan sa mga karbunko, ug ang tanan nimong mga paril sa mga bato nga bililhon.