Popular Bible Verses from MGA HEBREOHANON 11

Share

Karon ang pagtuo mao ang kasigurohan sa mga butang nga atong gilaoman ug ang hugot nga pagsalig sa mga butang nga dili nato makita. Kay tungod niini ang atong katigulangan nakadawat sa langitnong pag-uyon.

Ug kon walay pagtuo dili gayod mahimo ang pagpahimuot kaniya. Kay si bisan kinsa nga moduol sa Dios kinahanglang motuo nga siya anaa ug nga siya magganti sa mga nangita kaniya.

Tungod sa pagtuo kita makasabot nga ang kalibotan gibuhat pinaagi sa pulong sa Dios, nga tungod niana ang mga butang nga makita gibuhat gikan sa mga butang nga wala madayag.

Tungod sa pagtuo si Abraham mituman sa diha nga gitawag siya sa pag-adto sa usa ka dapit nga iyang madawat ingon nga panulundon, ug siya miadto nga wala mahibalo kon asa siya paingon. Tungod sa pagtuo siya mipuyo didto sa yuta sa saad, nga daw diha siya sa laing yuta, nagpuyo siya sa mga tolda uban kang Isaac ug Jacob nga mga manununod sa mao rang saad uban kaniya.

Tungod sa pagtuo si Noe, sa napasidan-an siya sa Dios mahitungod sa mga hitabo nga wala pa makita, mitagad sa pasidaan ug iyang gibuhat ang arka alang sa pagluwas sa iyang panimalay. Tungod niini ang kalibotan iyang gihukman sa silot, ug siya nahimong manununod sa pagkamatarong nga pinaagi sa pagtuo.

Tungod sa pagtuo si Enoc gilalin ngadto sa langit aron siya dili makakita sa kamatayon ug siya wala makit-i kay gikuha man siya sa Dios. Sa wala pa siya kuhaa siya namatud-an nga nakapahimuot sa Dios.

Tungod sa pagtuo si Abel mihalad ngadto sa Dios sa labaw ka maayo nga halad kay sa kang Cain, nga pinaagi niini siya gipamatud-an ingon nga tawong matarong. Ang Dios nagmatuod niini diha sa pagdawat sa iyang mga halad. Apan tungod niini, bisan ug siya patay na, siya nagsulti pa gihapon.

Tungod sa pagtuo si Sara gayod nakadawat usab ug gahom sa pagsamkon, bisan tuod siya lapas na sa panuigon, kay iya mang giisip nga kasaligan kadtong naghimo sa saad.

Kay siya nagpaabot man niadtong lungsod nga may mga patukoranan, nga ang magtutukod ug magbubuhat mao ang Dios.

Tungod sa pagtuo si Moises, sa dihang dako na siya, wala mosugot nga tawgon siya nga anak sa anak nga babaye sa Paraon. Gipalabi hinuon niya ang pag-antos sa mga pagdagmal kauban sa mga tawo sa Dios kay sa pagpahimulos sa lumalabayng kalipay sa sala. Iyang giisip nga ang pasipala nga antoson alang kang Cristo labaw pa ka dakong bahandi kay sa mga bahandi sa Ehipto, kay siya nagtutok man ngadto sa ganti. Tungod sa pagtuo siya mibiya sa Ehipto, nga wala mahadlok sa kasuko sa hari, kay siya milahutay man ingon nga nakakita siya kaniya nga dili makita.

Tungod sa pagtuo si Abraham, sa dihang gisulayan siya, mihalad kang Isaac, ug siya nga nakadawat sa mga saad andam sa paghalad sa iyang bugtong nga anak

Tungod sa pagtuo si Rahab nga nagbaligya sa iyang dungog wala malaglag kauban sa mga dili masinugtanon, kay iya mang gidawat ang mga tigpaniid uban sa kalinaw.

Tungod sa pagtuo ang mga tawo mitabok sa Dagat nga Pula nga daw sa yuta nga mala, apan ang mga Ehiptohanon, sa pagsulay nila sa paghimo sa ingon, nangalumos.

Tungod sa pagtuo ang mga kuta sa Jerico nangatumpag human nila kini liboti sulod sa pito ka adlaw.

Tungod sa pagtuo iyang gihimo ang tulumanon sa Pagsaylo ug gisablig ang dugo aron siya nga naglaglag sa mga panganay dili motandog kanila.

Tungod sa pagtuo si Jose, sa hapit na siya mamatay, naghisgot mahitungod sa pagpanggula sa katawhan sa Israel ug nagtugon mahitungod sa iyang mga bukog.

Tungod sa pagtuo si Jacob, sa dihang himalatyon na siya, nagpanalangin sa matag anak ni Jose ug misimba nga nag-akbo sa kuptanan sa iyang sungkod.

Tungod sa pagtuo si Isaac nagpanalangin kang Jacob ug kang Esau sa ilang kaugmaon.