Popular Bible Verses from 2 PEDRO 2

Share

ang Ginoo nahibalo gayod unsaon sa pagluwas sa mga tawong diosnon gikan sa mga pagsulay ug sa pagbutang sa mga dili matarong ilalom sa silot hangtod sa adlaw sa paghukom

Kay maayo pa lamang unta hinuon alang kanila nga wala gayod sila mahibalo sa dalan sa pagkamatarong nga human sila mahibalo niini, motalikod lang gikan sa balaang kasugoan nga gitugyan kanila. Apan nahitabo kini kanila sumala sa tinuod nga sanglitanan: Gibalikan sa iro ang iyang sinuka, ug ang baboy giligo aron lamang mobalik paglunang sa lapok.

Nagsaad sila kanila ug kagawasan, apan sila mga ulipon diay sa pagkadunot, kay ang tawo maulipon man sa bisan unsa nga nakabuntog kaniya.

Kay kon makalingkawas sila gikan sa kahugawan sa kalibotan pinaagi sa ilang kahibalo sa atong Ginoo ug Manluluwas nga si Jesu-Cristo apan magapos na usab sila niini ug mabuntog, ang ulahing kahimtang nila labaw pa unya ka ngil-ad kay sa una.

Apan may mga mini nga propeta usab diha sa katawhan, sama nga aduna unyay mga mini nga magtutudlo diha kaninyo nga sa tago magpasulod sa mga makadaot nga lahing pagtulun-an ug maglimod pa gani sa Agalon nga maoy nagpalit kanila, ug magdalag kalit nga kalaglagan diha sa ilang kaugalingon.