Popular Bible Verses from 2 MGA CRONICAS 20

Share

Siya miingon, “Pamati kamo, tibuok Juda ug mga nagpuyo sa Jerusalem, ug Hari Jehosafat: Kini mao ang gisulti sa GINOO kaninyo, ‘Ayaw kamo kahadlok o kaluya tungod niining dakong panon, kay ang gubat dili inyo kondili iya sa Dios.

Dili kinahanglan nga makig-away kamo niining maong gubat. Pabilin kamo sa inyong nahimutangan, ayaw kamo paglihok, ug tan-awa ang kaluwasan sa GINOO alang kaninyo, O Juda ug Jerusalem.’ Ayaw kahadlok o kaluya; ugma panggula kamo batok kanila ug ang GINOO mag-uban kaninyo.”

O among Dios, dili ba ikaw magpahamtang ug hukom kanila? Kay kami walay gahom batok niining dakong panon nga mianhi batok kanamo. Wala kami mahibalo unsay buhaton apan ang among mga mata anaa kanimo.”

Ug sa nakatambag na siya sa katawhan, nagtudlo siya ug mga tawo nga maoy mag-awit ngadto sa GINOO ug magdayeg kaniya diha sa kabalaan, samtang sila mag-una sa kasundalohan ug moingon, “Pagpasalamat kamo sa GINOO, kay ang iyang gugmang walay paglubad nagpadayon hangtod sa kahangtoran.”

Sa diha nga nagsugod sila sa pag-awit ug sa pagdayeg, ang GINOO nagbutang ug tigpangatang batok sa mga tawo sa Amon, sa Moab ug sa bukid sa Seir nga miabot batok sa Juda, ug nangalaglag sila.

Unya si Jehosafat nahadlok, ug mipahimutang sa iyang kaugalingon aron sa pagpangita sa GINOO, ug nagmando ug usa ka pagpuasa sa tibuok Juda.

‘Kon ang kadaot modangat kanato, ang espada, paghukom o kamatay o gutom, kami mobarog sa atubangan, niining balaya ug sa imong atubangan kay ang imong ngalan ania niining balaya, ug magtuaw kanimo diha sa among kasakit, ug ikaw mamati ug moluwas.’

Ugma adto kamo batok kanila. Sila motungas sa tungasan sa Zis; makita ninyo sila sa tumoy sa walog, sa silangan sa kamingawan sa Jeruel.

Ug ang Juda nagtigom aron sa pagpangita ug tabang gikan sa GINOO; gikan sa tanang mga siyudad sa Juda sila miadto sa pagpangita sa GINOO.