Popular Bible Verses from Jolevi 26

Share

Alawoth i dier win, alabedo Were mewin, aka wilabedo ji paran.

alamiyo win koth mewin i hongo ma ripo, to piny nyak cemo mere, to yen ma ndelin nyak olemo mere.

“Ka wiluwo cik paran to wikuro or paran to wimako jo gi genirok

Aka alamiyo piny siem, wilanindo, aka ongoye ŋat'obwoki win; alakwanyo woko ogwaŋe ma kelo teko i piny, aka lweny moro k'obedi i piny mewin.

Alaneno win gi wor t'amiyo winywol to wibedo m'omore; t'akuro cikirok paran kodi win.

An abedo Rwoth Were mewin m'ofudho win woko i piny ma Misir, ni wikiri wibedi ŋecin pajo kendo; atieko turo woko meni m'oyido diyo win piny aka onyo alamiyo wiwoth gi delok.”

Alaketho kabedo paran i dier win, aka ak'ojwangi win.

Rwoth owaco ni, “Wikiri witim cal moro je kosa wijengi gima wiwegi wicweyo kosa sirin, aka wikiri wijengi telin m'ogor i lowo mewin, ma lamo jo; kole An abedo Rwoth Were mewin.

Wilacamo cemo ma cango okan con, wicam wicow woko macon to wiyawo hola ri manyen.

Abic kwoŋ win jolariemo miya cel, aka ji miya cel kwoŋ win jolariemo jokwor gana apar; jokwor mewin jolagore piny ruwaŋ win ka wineko jo.

Piedhirok mewin laloyo vini ma winofon, aka vini ma winofon, laloyo gima winokec; wilacemo to wiyeŋ, to wibedo gi siem i piny mewin.

Wilariemo jokwor mewin, aka jolagore piny ruwaŋ win ka wineko jo.

Wikuri sabato paran aka wiwor kamaleŋ paran: An abedo Rwoth.”