Popular Bible Verses from Joroma 12

Share

Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

Weyi geno mewin womiy win kisangala, diy win cuny win i teko mewin, aka kway win Were hongo je.

Ikir'iyey reco wodhumin; kucel loy reco gi bero.

Mare win gi owirok ma cuny paka wutmere i Kristo, odoko bedi win mayil i miyo jowoti win dwoŋ.

Mar ripo bedo mar'adieri. Kwer gimarac, cwire kwoŋ gimaber.

Tem win paka nyalere neno ni wibedo i siem gi ji je.

Wikiri wicul kwor wiwegi, jowotan; kucel weyi win keme pa Were ama woculi. Kole ndiko waco ni, “Rwoth waco ni, ‘Culo kwor obedo aparan; abino culo.’ ”

Tiyi win matek, aka wikiri wibedi manyap. Cway win ri Rwoth gi cuny win je.

Aka gi mic ma nema ma Were omiyan awaco gime ri wijoje: Wikiri wipar ni win malo loyo kama di wipar'iye. Kucel, bedi win milengela i paro mewin, kisi dhano kwoŋ win, ma ripo gi yeyo ma Were omiyo go.

Ka nyatoro otimo riwin marac, wikiri wicul kwor. Tem win timo gima ji je tero ni ber.

Nyuthi win dhano je cuny maber marom. Wikiri wibedi jokwoto, to joli win tic kada ma piny. Wikiri wibedi gi paro ni wiriek.

Kucel ndiko waco ni, “Ka jakwor perin kec neko, pidhi go; ka riyo neko, miy go gir'amadha; kole k'itimo ameno, meno cal pa onyo itoko cuk mac malieth i wiye.”

Kway win Were womiy joma lwenyo kodi win silwany; ey, kway wi go womiy jo silwany makiweno kwoŋ. Sangala win gi joma sangala, ywak win gi joma ywak.

Pok win ye lim mewin gi wutmin win ma jocando, odoko weyi win pecin mewin thwolo ri wendo.

Wanitie g'adec madit i del acel, aka adec me je nitie gi tic mere. Ameno kada wathothi, je fodi wabedo del acel i Kristo, aka wamakere kanyacel paka adec m'opokere opokere ma del acel.