Popular Bible Verses from Yakobo 1

Share

Jowotan, ter win paka silwany ka wiromo gi teko m'omore omore, rupiri wiŋeyo ni ka yeyo mewin otemi aka wok'iye meni ma ciro gimoro.

To ka moro kwoŋ win cando rieko, go ripo kwayo Were, m'amiyo dhano je gimoro ma k'obuyo kendo ma k'oŋunyaŋunya, aka bino miyin.

Maki win wac me, wutmera. Dhano je ripo bedo mayil i winjo, ma kikwakere gi luwo, aka kimaki nge piyo.

Ciro ripo cowo tic pere i kwo mewin aka ŋey winyal tegino i yeyo ma wicowere, munyo wikicandi gimoro.

Bedi win joma ketho wac i tim, makiweno joma wondere gi nyaka winjo awinja wac won kende.

Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

Kole ŋata winjo wac to kikethi i tim cale dhano ma ŋiyere i ndewiro to nenere paka go cale, to ka otieko nenere, kadho to piyo piyo wiye wil gi cal pere.

Yeyo ma Were Bawan tero paka yeyo m'otire m'ongoye rendirok a me: Kuro nyithindho kic kodi mon ma cwogi jo otho i candirok pajo, gi kurok kwoŋ reco ma piny.

Ka dhano olimo karatem i tem ma cale ameno, wokiri wowaci ni, “Ratem no wok bongi Were.” Rupiri reco kinyal kelo ri Were karatem, odoko Were won kikel ri nyatoro karatem. To dhano je nwaŋo karatem k'awanya pere marac won ywayo cunye to tero go i karatem.

Omin ma jacandi wosangala gi kabedo m'omiy go ma malo i yeyo