Popular Bible Verses from Mariko 12

Share

Yezu welamo ari, “Likaambila likiboole liloma liri, ‘Babaandu ba Isiraeli, ni murekeerese: Umukasya Wele wefwe, niye uli Umukasya yenyene; uli ni khukanatsaka Umukasya Wele woowo ni kumwoyo kwoowo kwoosi, ni bulamu bwoowo bwoosi, ni kamakyesi koowo koosi, ni kamaani koowo koosi.’ Likaambila liliikhola khabili nilyo lino, ‘Kanatsaka umwesanwa woowo nga iwe ni wikana wamweene.’ Imbaawo likaambila lilindi lilifuura kano bukhulu ta.”

Yezu walaanga baleekelwa beewe kila abalomela ari, “Ilala imbaboolela indi namulekhwa umutaambi yuno wareremo shiwaanwa shishifuurisa bukali khufuura boosi babareere tsinusu mu sanduukhu iye libikhilo. Khulwekhuba babaramile boosi babukulekho khukhwaama khu biindu bikali byeesi bali ni babyo. Ne namulekhwa yuno mu butaambi bweewe, wareremo byoosi byeesi abeele ni nabyo, byoosi bye mu bulamu bweewe.”

Yezu wekhala mu Lisaayilo Likhulu, ambi n'isanduukhu iye libikhilo lye tsinusu. Wabona nga babaandu bakali bara tsinusu tsingali naabi mu libikhilo lino. Abawo namulekhwa umutaambi naye uwetsa waramo bunusu bubili bwonyene.

Nalundi khuli ni khukanatsaka Wele ni kumwoyo kwoosi, ni kamakyesi koosi, ni kamaani koosi, ni khukana umwesanwa woowo nga wamwene ni wikana. Kamakaambila kano kafuura tsisaayilo tsoosi ni biwaanwa byoosi byeesi umuundu awaanayo.”

Kila Yezu abalomela ari, “Aso, bya Kayisaali ni mubiwe Kayisaali, bya Wele ni mubiwe Wele.” Babaandu bano beyaanga naabi isaambo yeesi Yezu abelamo.