Popular Bible Verses from Matayo 27

Share

Ne khu saawa awo nga sheenda, Yezu walila ni likono lye angaaki nga aloma ari, “Eli, Eli, lama sabachthani?” (Kamakhulu kaasho kari, “Wele wase, Wele wase, lwashiina iwe untsantsushile ise?”)

Khu mbuka nyene iyo, ingubo iyaba yatiimbibwa mu Lisaayilo Likhulu, yonuukhamo kimilundi kibili, khukhwaama khu ngaaki khukhwoola asi. Shibala shoosi shanikina, ni kamabaale kaatikhakamo. Tsiŋani tsabalukhaka, ni kimibili kye babaandu bakhosefu babaafwa khaale kyalamusibwa.

Ne lwanyuma nga Yezu waliliile angaaki ni likono likali, walekhuula kumwoyo kweewe.

Umusilikhale umukhulu ni babaandi babaaba baliindile Yezu, ni baabona khunikina khwe shiibala, ni bibindi bibyakholekha, baarya naabi, baloma bari, “Ilala umusaani yuno abeele Umwaana uwa Wele.”

Khukhwaama khu saawa iye khasesaba tse mwihangilwe, khukhwoola khu saawa iye shisheenda, shishiilima shikali shaakwa khu shiibala shoosi.

Kila ndi Pilato wabareeba ari, “Ne Yezu ulaangiwa Kristu, imukhole ndyeena?” Boosi belamo bari, “Mutsaangilile khu musalaba!” Pilato wabareeba lundi ari, “Ne lwashiina? Shiibi shiina sheesi akholile?” Ne nabo belamo ni kamaani koosi bari, “Mutsaangilile khu musalaba!”