Popular Bible Verses from She Lukyeendo 20

Share

Ise ndi niye Umukasya Wele weenywe, uwabarusa inywe khukhwaama mu Misiri, isi mwaba nga muli baakulwa. Mukhesaayatsakakho wele ukuundi, akhali ise senyene ta.

Mukhakholatsaka bifwaani bibifwaana nga shishiindu shoosi shishiili mwikulu mu ngaaki, namwe shishifwaana nga shishiindu shoosi aasi e shibala, namwe shishifwaana nga shishiili aasi mu meetsi ta. Mukhakhakakho mwenama aasi nga mwisaaya bifwaani, namwe mwaabyakaanisa ta. Khulwekhuuba ise Wele weenywe indi uwe libuba liikali naabi. Abo babaakhaangana ise ta, shitaambiso ishiwa babaana baabwe, ni babeetsukhulu baabwe, ni bisoni, ni bimiila byaabwe.

Yiisatsakamwo paapa woowo ni maayi woowo lukoosi, nio unyalise khuumenyawo imbuka indeeyi mu shibala shino sheesi ise imbaweele.

Ni mushebulilatsake khuuliinda shifukhu sha Sabato, khulwekhuuba shili shikhosefu.

Mukharaambisatsaka lisiina ly'Omukasya Wele weenywe, mu khwitsuba mu biindu bibikhalimo ta. Khulwekhuuba uyo yeesi ukane araambise lisiina lyase musaambo iyo, kane ise imuwe niye shitaambiso.

Muli ni biifukhu bisesaba bye khuukholelamo kimilimo kyeenywe kyoosi. Ne shifukhu she kumusaafu shili sha Sabato, shawaanibwayo nga shishase, Umukasya Wele weenywe. Khu shifukhu isho, mbaawo khuukhola buraambi bwoosi ta. Ikhaba babaana boowo, namwe baakulwa boowo, namwe bibyaayo byoowo, namwe babeetswa babaamenya muntsu yoowo ta.

Ukhekoomba khuubukula intsu y'owashoowo ta. Ukhekoomba khuubukula umukhasi uw'owashoowo, namwe umuraambi weewe, namwe ikhaafu yeewe, namwe isikilya yeewe, namwe shishiindu shoosi sh'omuundu washoowo ta.

Ukhawatsakayo bujulisi bwe bubeeyi khu bashoowo ta.

Ukhayeyana ta.

Ukheera ta.

Ukheeba ta.