Popular Bible Verses from Matayo 7

Share

“Ni muloombe muliweebwa, muweentse mulinyoola, mukhoonyake lulwiitsi lulibekuliwilawo.

Lwekhuuba buli uloomba afuna, uweentsa anyoola, ni nooyo ukhoonyaka lulwiitsi lumukulibwilawo.

“Aso, buli muundu uwulila bilomo byase bino, waabikholelakho, imufwaananisa nga umusaani umukyesi uwombekha intsu yeewe khu lwaanda.

Ni nashiryo mu buli shiindu shoosi, ni mubirise babaandu babaandi isaambo isi mukana nibo bababirisemo inywe. Lwekhuuba shino nisho sheesi kamakaambila ka Musa ni khuuleekela khwe baŋoosi bimanyisa.

Ne kumulyaango kukuutsya mu bulamu kuli kumufundeefu, ni kumukhoosi kukuutsyayo kuli kumunyelele, ni naabo babaakunyoola sibali bakali ta.

“Ni mwinjile nga mubirira mu mulyaango kumufundeefu. Lwekhuuba kumulyaango kukuutsya mu khuhela kuli kumubalaayi, ni kumukhoosi kukuutsyayo kuli kumutsowe, ni naabo babaakukyendelakho bali bakali.

Kale ni nanywe mumuuli babaandu baboonaki busa, mwaamanya khuuwa babaana beenywe biwaanwa bilayi, Paapa weenywe uuli mwikulu s'alifuura khuuwa biwaanwa bilayi isi ibo babaamuloomba ta?

“Mukhakhalila babaandu babaandi kumusaango ta, nio nanywe Wele alekhe khubakhalila ta. Lwekhuuba nanywe Wele alibakhalila kumusaango, musaambo nyene yeesi mukhalilamo babaandi. Ni shipimo sheesi muraambisa khuupimilamo babaandi nanywe nisho sheesi Wele alibapimilamo.

Ne buli mutweela uwulila bilomo byase bino, ne waalekha khubikholelakho nga ni biloma ta, imufwaananisa nga umusaani umusilu uwombekha intsu yeewe khu muyekhe busa.

“Iwe lwashiina ubona khaasosono khakhaali khu moni ya wandaayo, ne waalekha khwaambaasa khu kukyeenga kukuuli khu moni yoowo wamweene? Namwe unyala uryeena waaloma wandaayo uri, ‘Khayo ikhurusemo khaasosono khakhaali khu moni yoowo,’ ate nga iwe wamweene uli ni kukyeenga khu moni yoowo?

“Ni mwiliinde baŋoosi be bubeeyi, babeetsila mu bikwaaro bye kamasheese isi muli ne nga mukari bali bitsuutse bye kumulyuulyu. Ne mulibamanyila khu byaamo byaabwe. Lwekhuuba babaandu sibanyala baabuta tsisabibu khu mawa ta, namwe sibanyala baabuta kimifiki khu mawa ta.

Nasho shiryo, kuusaala kuulayi kwaanisakho bibyaamo bilayi, ni kuusaala kuubi nakwo kwaanakho bibyaamo biibi.

Kuusaala kuulayi sikunyala kwaanakho bibyaamo biibi ta, ni kuusaala kuubi sikunyala kwaanakho bibyaamo bilayi ta.

Buli kusaala kwoosi kukuukhaana bibyaamo bilayi, bakurema baakutuuma mu mulilo.