Popular Bible Verses from Matayo 5

Share

Namwe mbaawo umuundu uwaambisa itaala, waakifunikhilila mu shiipo ta, ne akira khu shisiindi khu ngaaki nio yaaburukhila buli mutweela uli mu ntsu. Musaambo niyo ndweela, khayo buwaanga bwenywe bwaaburukhe buryo mu moni tsye babaandu, nio babone buraambi bweenywe buulayi, baruuye Paapa weenywe uuli mwikulu.

“Inywe muli buwaanga bwe shiibala. Shiriimba shishombekhebwa khu lukiingi sishinyala khuubisibwa ta.

“Bali n'ikhabi babaali bakwalaafu mu mwoyo, lwekhuuba balibona Wele.

“Bali n'ikhabi ibo babaali intsala ni bulesa bwe khuukhola byeesi Wele akana, lwekhuuba Wele alibekusila ilala.

Ne ise imbaloma ndi, ni mukanaatsake basiku beenywe, luundi muloombele ibo babaabakubyeenga

“Bali n'ikhabi ibo babaali bataambi mu mwoyo, lwekhuuba Buyiinga bwe mwikulu bubwaabwe.

“Bali n'ikhabi ibo babaraambilila lukoosi, lwekhuuba balilaangibwa babaana ba Wele.

“Bali n'ikhabi ibo babaali mu mutaambo, lwekhuuba balikhoyesebwa.

“Bali n'ikhabi ibo beesi babaandu bakubyeenga lwe bukwalaafu, lwekhuuba Buyiinga bwe mwikulu bubwaabwe.

“Bali n'ikhabi ibo babaali be shiisa isi babaandu babaandi, lwekhuuba nabo Wele alibawaambila shiisa.

“Inywe muli n'ikhabi, babaandu ni kane babaakhomatsake, babakubyeenge, luundi ni kane babakanikhekho mu lomo yoosi imbi lwe khuubafunisa ise. Nimwikhoye, luundi mwitikite, lwekhuuba kumukheemba kweenywe mwikulu mukali, lwekhuuba ni baŋoosi babaabanyoowa inywe baabakubyeenga musaambo nyeneyo.

“Bali n'ikhabi ibo babaali bawolu, lwekhuuba baliiba basikha be shiibala.

“Inywe muli nga kumuunyu kwe shiibala. Ne kumuunyu ni kuwamo itsamu, itsamu iyo yisibwamo iryeena luundi? Kuba sikushaakha luundi ta, khurusakho kutuumibwa ibulafu, ni babaandu bakusaambakilila.

Ni nashiryo, inywe mwaakha mwaba bakwalaafu nga Paapa weenywe uli mwikulu n'ali umukwalaafu.

Ne lekha ibyo byeesi uloma uri, ‘E e,’ bibatsake ‘E e,’ ni ‘Taawe,’ abatsake ‘Taawe’. Ni bibiindu bibiindi bibifuurakho awo, biba byaama isi umusiku.

“Mwawulila nga ni shalomewa khaale shiri, ‘Imoni iliyasibwa ni moni, ni liliino liliyasibwa ni liliino.’ Ne ise imbaloma ndi, mukhakhingililatsaka umuundu yeesi ubakhola buubi ta. Umuundu yeesi n'akhuupa luuyi khu lusaya lwoowo lwe khu lubeka lulayi, umuyuusila lwe khu lubeka lunyeletsi nalwo.

Noola imoni yoowo iye khu lubeka lulayi ikhuyila mu khwoneka, kirusemo, ukituume aleeyi. Shiba shiminyisa buulayi, shitweela khu bisiintsa bye kumubili kwoowo khuuhela, khufuurisa kumubili kwoowo kwoosi khuutsya mu mulilo kukuukhasima ta. Naluundi kumukhono kwoowo kwe khu lubeka lulayi ni kuba nga kukhuyila mu khwoneka, kuremekho ukutuume aleeyi. Shiminyisa bulayi shitweela khu bisiintsa bye kumubili kwoowo khuhela, khufuurisa kumubili kwoowo kwoosi khuutsya mu mulilo kukukhasima ta.