Popular Bible Verses from Matayo 18

Share

Lwekhuuba isi babili namwe bataru babuusanila mu lisiina lyase, nase imbaawo akari abwe.”

Ilala, luundi imbaboolela ndi, nga babili mwiinywe ni bafukiilisana khu shiindu shoosi sheesi baloomba khu shiibala, kane Paapa weenywe uli mwikulu ashibakholele.

Yesu walaanga umwaana umufwiiti, waamwimisa akari awe, waaloma ari, “Ilala ise imbaboolela inywe ndi, ni mukhashuukha mwekyela nga babaana bafwiiti, simulinyala khukhwinjila mu Buyiinga bwe mwikulu ta.

Aso, umuundu yeesi uwihombeekha nga umwaana yuno umufwiiti, niye ufuura bukhulu mu Buyiinga bwe mwikulu.

Na buli uyo yeesi uwakaanila umwaana umufwiiti nga yuno, mu lisiina lyase, aba wantsakaaniile ise.

“Ilala imbaboolela ndi, byoosi byeesi mubowa khu shiibala, bilibowebwa ni mwikulu, ni nebyo byeesi mukangulula khu shiibala, bilikangululiwa ni mwikulu.

Yesu waamalilisayo nga aloma ari, “Aryo Paapa wase uwe mwikulu n'alibirisa buli mutweela khus'inywe, akhali nga buli mutweela mu mwoyo kweewe weyakhila wandaaye.”

“Ne umuundu yeesi ulikhonjelesa mutweela khu bafwiiti bano babaafukiilila, waabayila mu khwooneka, shiba shilayi umuundu uyo abowebwe lusisi lukali mu milo mweewe, bamutuume esiikhe mu nyaantsa indeeyi naabi.

“Inywe mwaambaasa muryeena? Umuundu n'aba ni kamasheese keewe shitoondo shitweela, ne litweela khu niko lyakoraanakho, s'alekha kamakhumi syeenda na syeenda khu lukiingi, waatsya nga aweentsa litweela ilyo lilyakoraanile?