Popular Bible Verses from Matayo 16

Share

Lwanyuma Yesu waaloma baleekelwa beewe ari, “Noola umuundu yeesi akana khukhuunoondelela, eyikaane umweene, etyuukhe kumusalaba kweewe anoondekho.

Luundi ikhuloma ndi, iwe uli Petero, ni khu lwaanda khuno kane nombekhekho Lisaayilo lyase, ni kamaani ke makoombe shikalilinyala ta.

Indikhuwa bifuungo bye Buyiinga bwe mwikulu, shoosi sheesi ubowa khu shiibala shilibowebwa ni mwikulu, ni neesho sheesi ukangulula khu shiibala, shilikangululiwa ni mwikulu.”

Lwekhuuba buli muundu yeesi ukana khuuwonesa buulamu bweewe, alibukosa, ne buli uyo yeesi ukosa buulamu bweewe khulwase, alibuwonesa.

Lwekhuuba umuundu shilimuyeeta shiina khuulya shiibala shoosi, ne wafwiila buulamu bweewe? Namwe umuundu aliwaanayo shiina nio bulamu bweewe bumukobosewele?

Naye Yesu waabaloma ari, “Ne inywe, ise munaanga khuuba naanu?” Simoni Petero waamwiilamo ari, “Iwe uli Kristo, Umwaana wa Wele Umulamu.”

Yesu waamwiilamo ari, “Simoni, mwaana wa Yona, iwe uli n'ikhabi, lwekhuuba mbaawo umuundu ukhubimbuliile shino ta, ne Paapa wase uli mwikulu.