Popular Bible Verses from 1 Yokana 2

Share

Inywe mukhemalila kimyoyo kyeenywe khuukana bibiindu bye shiibala ta. Umuundu ukana shiibala aba saashiilimo ni khuukana khwa Wele ta. Lwekhuuba buli shiindu shoosi she mu shiibala; nga khukhwiwuuma khwe kumubili, khukhwiwuuma khwe tsimoni, ni n'ebyo byoosi byeesi buulamu bwe babaandu bwibuyililamo: bino byoosi sibyaama isi Paapa ta, ne bili bye mu shibala.

Shiibala ni khukhwiwuuma khwasho khwoosi khuwawo, ne uyo ukhola byeesi Wele akana amenyawo bifukhu byoosi.

N'umuundu yeesi uloma ari, ali mu Wele, aakha khuukyenda nga Kristo n'akholatsaka.

Baana baase, imbaronela bino lwe shitsiilililwa ndi, mulekhe khukhwoneka ta. Ne noola abawo umuundu yeesi ukhola shishonako, khuli n'umwimiilili weefwe isi Paapa, niye Yesu Kristo umukwalaafu.

Ne umuundu yeesi uloma ari, “Naamanya Wele,” n'enga s'awaamba kamakaambila keewe ta, uyo aba umubeeyi ni bwa ŋali buba sibuli mu niye ta.

Lwashino nisho shishikila khwaamanya khuri khwaamanya Wele: ifwe noola khuwaamba kamakaambila keewe.

Umuundu yeesi uloma ari ali mu buwaanga n'enga wabiyila umuundu washe, aba ashiili mu shiilima.

Ne naanu niye umubeeyi? Umubeeyi niye umuundu uwikaana ari, Yesu s'ali niye Kristo ta. Umuundu nga uyo niye umusiku wa Kristo, luundi niye uwikaana Paapa n'Umwaana.

Uyo yeesi uwikaana Umwaana, aba wekaanile ni Paapa naye. Ne uyo ufukiilila Umwaana, aba wafukiiliile ni Paapa naye.