Popular Bible Verses from APOCALIPSIS 9

Share

Xalla ti konkiś ana tikhśi źoñinakaki, ninakź qharźtan päta ujnakkiśtan anapan arśićha, niźaśa ninakaki ni yenqhanaka amtiś anapan thatśićha, ana ni źoñiź päta qor yöśnakami, ana ni päśkiśtan pätanakami, ana ni chur jirkiśtan pätami, ana ni maśkiśtan pätami, ana ni qiñwikiśtan pätami, xalla ninakaki anaćha nonśñi niźaśa anaćha oqhlayñi. Niźaśa ninakaki anapan źoñi konś ekchićha, ana ni źoñinaka layqiśmi, niźaśa ni iź iśnakami thañi śäśnakami anapan ekchićha.

Niźaśa ni źqetkiśtanaki ti yoqkiś śher śherñinaka ulanźkichićha; neqhśtan ni śher śherñinakźkiśiki aśi thätaćha ni lleq'achunkaźtaqaś aśśiś. Neqhśtan ninakaki ana ti yoq ch'oxñi paśtunaka niźaśa ana ni ch'oxñi muntimi śhoxrichax khitaćha, ans ninakaki Yöś chimpu aykiś ana chimpuchiś źoñinakaqaś śhorichax khitaćha.

Neqhśtan ni taxśnukukiś khiñi anjilaki nïź tothi thawśićha, neqhśtan werhki ni tsewkta yoqkiśtan tshi warawara thxotskiñi cherchinćha; xalla ni warawarźkiśiki ni tuj phet llawi thätaćha.

Niźaśa ninakaki ti źoñinaka ana konax khitaćha, ans ni źoñinaka anawal konźtan taxśnuku jïś aśinsqatax khitaćha; xalla ni konaki tshi lleq'achunkaź ćh'attaźtaqaś khekićha.

Xalla ni śher śherñinakź irpiñi jiliriki ni tuj phet anjilataćha, xalla ni hebreo tawqkiśtanaki Abadón khitataćha niźaśa ni griego tawqkiśtanaki Apolión khitataćha.