Popular Bible Verses from FILIPENSES 2

Share

Ans anchukki anaź ćhhulumi qichaspekkuqaś mita quśtan päkićha, niźaśa anćhukki śapamayni ni yaqha źoñinaka perśunkiśtan tshan khjusa nayśtanćha. Niźaśa anax xaqhsiltami perśunaltaxapaqaś śuma päla, ans ni yaqha źoñinakźtami śuma päśtanśaqaśśa.

Niźaśa porapat ućhumnakakiśki, ni Jesucriśtu irata quśśiś khiś pinsiśx źelhlalla

xalla nïki tuźućha: qhaźta Yöś irata khikumi, Jesucriśtuki anapan ni Yöś irata khiś pekchićha, ans nïki perśunpacha aźkin khissićha, tshi uywita źoñiźtaqaś thapa źoñinaka irata niźaśa thapa źoñinakź manta päñi źoñiźtaqaś, Niźaśa nïki perśunpacha llanu quśśiś khissićha, niźaśa nïki ni kuruśhkiś tikhśañkama k'uñchi quśśiś pantaćha.

niźaśa Yöś ućhumnak ni śumanaka päqatćha, niźaśa ni śumanaka päśkiś yanapćha, neqhśtan nïki nïź pektakamaź päćha.

Xalla niźtikiśtan Yöśki nïźkiś chawkh jiliri thächićha, niźaśa thapa źoñinakźkiśtan tshan k'achha thü thächićha, Xalla ni Jesusiź thükiś thapa źoñinakź owanaka killśnaxu, ni tsewkta yoqkinami niźaśa ti yoqkiśimi, niźaśa ti yoq qosimi, niźaśa thappacha ti źoñinakaki Jesucriśtu Tatamź amki khekićha, niźaśa ni Yöś Ephki añcha śuma khitaśaqaś khekićha.

Niźaśa anćhukki ana Jëkhź źoñźtan chuchkan niźaśa ana jëkhźtanami ch'ärasku päkićha, xalla nuź anćhukakiś anaź jëkhmi uj thxotnasaćha, niźaśa anćhukki ana ujchiś Yöś matiź khella ti ñexw śqarant źoñinakź taypikiś. Xalla ni źoñinakź taypikiśtan anćhukki tshi warawaraźtaqaś ti yoqkiś k'ajćha

Xaśiki weth q'ay jilanaka, anćhukki xaqhnuź tirapan werh kaśinćhukźlaxa, werh ana anćhukatan khikanami, xaśiki weriź aźkin khen anćhukki tshantiź werh kaśalla. Niźaśa anćhukki liwrïsxapa thapa quśtanź qhura