Popular Bible Verses from MARCOS 6

Share

Neqhśtan Jesusaki ninakźkiś khichićha: –Pichay, ućhumnakki jejśñiź oqhla tshi upakama tshi ch'eqti yoqkin. Niźaśa ni tama źoñinakaki thonatćha niźaśa oqatćha, xalla niźtikiśtan ana timpuchtaćha lulhśxapami.

Xalla neqhśtan Jesusaki ninakźkiś khichićha: –Thapa yoqaranź Yöśkiśtan chïñi tanźa, ans ni perśun wathchiś źoñinakaśti anaź ni tanś pekćha, niźaśa nïź maśinakami niźaśa nïź qhuy źoñinakami.

Jesusaki ni walsikiśtan ulanźku, tama źoñinaka cherśićha, neqhśtan ni źoñinaka añcha oqśićha, ana awatirchiś üśa nakaźtaqaś ni źoñinaka źelatćha, neqhśtan Jesusaki thaxni qallantichićha thapa ćhhultaqkiśtan.

Neqhśtan Jesusaki anapan tshi milajrumi päyi atchićha, ans qharźtan lanźku tshi qhaźultan lä źoñinaka ćhhetinchićha. Neqhśtan Jesusaki ana kirïtikiśtan iśpantichićha. Neqhśtan Jesusaki nïź źkati xochinakź qhutñi thaxinkan oqhchićha.

Xalla neqhśtan Jesusaki ni taxśnuku t'anta piśk ch'iś nïź qharkiś tanźku, tsewkchuk cherźku, Yöśkin thapa quśtan sparakiź khikan chïchićha, xalla neqhśtan ni t'anta ćh'alhźku nïź thaxintanakaźkiś thächićha, ni źoñinakźkiś toxźinaxu, niźaśa ni piśk ch'iś, thapatiźkiś toxźinchićha. Neqhśtan thappacha ni źoñinakaki chheqañkama lulhchićha; neqhśtan ni t'anta źetchinaka niźaśa ni ch'iś źetchinakaźtan qhalu piśkchiś kanaśta aptaśśićha.