Popular Bible Verses from SANTIAGO 4

Share

Niźaśa anćhukki Yöśkinpanź tasnalla; niźaśa Saxraź atipźna, neqhśtan nïki ućhumnakakiśtan śatakićha.

Niźaśa anćhukki Yöśkinź makhatźka, niźaśa ni Yöśki anćhukakiś makhatźkakićha. ¡Anćhuka ujchiś qharanakaź źhuźnalla! ¡Niźaśa anćhuk Yöś pekñinaka, niźaśa ti yoqa pekñinakami anćhuka quś ch'uwachaśalla!

Anćhukki Yöś tukkiś llanu quśśiś khisna, neqhśtan Yöśki anćhuk śuma quśśiś źoñićha khekićha.

Ans Yöśki thapa nïź quśtanź ućhumnak oqźa, xalla ni Yöś śuma kintu khjirtikiśiki, tuź khićha: “Yöśki ni mit quśśiś źoñinakźkiś anaź munćha, ans ni amu quśśiś źoñinaka añchaź pekćha.”

Xalla ni śumanaka päñi źoñiki anat nuź päćhax nïki, ujź päćha.

Niźaśa anćhukaź ana śuma maytaki, anaź tanźta khesaćha, niźaśa anćhukki anćhuka quśkama kaśtiśxapaqaś pekćha.

¡Amki ujchiś źoñimćha! ¿Anćhukki ti yoq źoñinakźtan maśi khiskuki Yöśtan moq'uź khissa xalla ni anaź śiśqaya? Niźaśa anćhukakiśtan xaqhsiltata źoñimiź ti yoq źoñinakź maśi khiśpekćhaxa, xalla ni źoñiki Yöśtan moq'uź khissa.

¡xalla nuź chïñi źoñinakaki ninakź źetkiś xaqawenś ćhhulut ninakźkiś wataćhaxa xalla ni anaź śiśśa! Anćhukki tshi quyiźtaqaśśa, ni quyiki tshi upakamaqaź jekźa neqhśtan qatćha.